«Бока Хуниорс» клубида янги спорт директори тайинланди

Аргентина гранди «Бока Хуниорс» спорт директори лавозимига Марсело Делгадо тайинланганини расман эълон қилди. У клуб президенти Хуан Рикельме билан яқин ҳамкорликда ишлайди. Эслатиб ўтамиз, Рикельме аввал «Барселона» сафида ҳам тўп сурган. Бу ҳақда euro-football.ru хабар беради.

Клуб таркибини зудлик билан кучайтиришга муҳтож, шу боис Делгадо ва Рикельме дуэти яқин вақт ичида трансфер йўналишида фаол ишлаши кутилмоқда.

Делгадо футболчилик фаолиятида ҳам анча тажрибага эга: у Аргентина терма жамоасида 1995–2002 йиллар оралиғида 18 та учрашувда майдонга тушган ва 1998 йилги жаҳон чемпионатида ҳам қатнашган.

Шунингдек, 2003 йилда у Либертадорес кубоги тўпурарлари рўйхатида «Сантос» ҳужумчиси Рикардо Оливейра билан бирга биринчи ўринни бўлишган.