«Бока Хуниорс» спорт директори лавозимига Марсело Делгадо тайинланди

Аргентина гранд-клуби «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикельме билан яқиндан ҳамкорликда ишлайди. Бу ҳақда euro-football.ru хабар беради.

Жамоа таркибини қисқа муддатда кучайтириш зарурати борлиги таъкидланмоқда. Шу боис Делгадо ва Рикельме тандеми трансферлар ҳамда селекция масалаларида тезкор ечимлар устида ишлаши кутилмоқда.

Делгадо футболчилик фаолиятида ҳам танилган: у 1995–2002 йилларда Аргентина терма жамоаси сафида 18 учрашув ўтказиб, 1998 йилги жаҳон чемпионатида ҳам иштирок этган.

Шунингдек, 2003 йилда у Либертадорес кубогининг энг яхши тўпурари бўлган. Делгадо бу натижани «Сантос» ҳужумчиси Рикардо Оливейра билан бирга қайд этган.