«Ал-Наср» Жезуш билан шартномани узайтиришни кўзламоқда
«Ал-Наср» бош мураббийи Жорже Жезуш жамоада узоқроқ қолиши мумкин. Саудия Арабистонидан келаётган хабарларга кўра, клуб раҳбарияти португалиялик мутахассисга 2027 йил ўрталаригача мўлжалланган янги шартнома таклиф қилишга тайёр. Бу ҳақда euro-football.ru хабар беради.
Клубда мураббий ишидан мамнун экани ва ҳамкорликни кейинги мавсумда ҳам давом эттириш нияти борлиги айтиламоқда.
Аввалроқ Жезушнинг келажаги Криштиану Роналдуга боғлиқ экани ҳақида гаплар тарқалганди: агар унинг ватандоши ёзда клубни тарк этса, мураббий ҳам кетиши мумкинлиги қайд этилганди. Бироқ юлдуз ҳужумчи яқин орада «Ал-Наср»да қолмоқчи эканини билдирган.
Жорже Жезуш «Ал-Наср»ни ўтган йилнинг июлида қабул қилиб олган. Ҳозирда жамоа чемпионат турнир жадвалида пешқадам бўлиб турибди.
