«Ал-Наср» Жорже Жезуш билан шартномани узайтирмоқчи
«Ал-Наср» бош мураббийи Жорже Жезуш клубдаги келажагини узайтириши мумкин. Саудия Арабистонидан келаётган хабарларга кўра, клуб раҳбарияти португалиялик мутахассисга 2027 йилнинг ўрталаригча мўлжалланган янги битим таклиф қилишга тайёр. Бу ҳақда euro-football.ru хабар беради.
Жамоа раҳбарияти мураббийнинг ишидан мамнун ва келаси мавсумда ҳам у билан ҳамкорликни давом эттиришни истамоқда.
Аввалроқ Жезушнинг тақдири клубдаги ватандоши Криштиану Роналду қарорига боғлиқ экани айтилганди: агар ҳужумчи ёзда кетадиган бўлса, мураббий ҳам жамоани тарк этиши мумкин эди. Бироқ Роналду яқинда «Ал-Наср»да қолиш ниятини билдирган.
Жорже Жезуш «Ал-Наср»ни ўтган йил июл ойидан буён бошқариб келмоқда. Ҳозирда жамоа чемпионат турнир жадвалида пешқадамлик қилмоқда.
