Гвардиола Чемпионлар лигасида рақобат ниҳоятда кучли деди
"Манчестер Сити" бош мураббийи Хосеп Гвардиола Чемпионлар лигасидаги рақобат ва ҳар бир босқичнинг мураккаблиги ҳақида фикр билдирди. Бу ҳақда euro-football.ru хабар беради.
Англия клуби 1/8 финалда яна Мадриднинг "Реал" жамоасига қарши тўқнаш келади.
"Чемпионлар лигаси жуда қийин. Исталган жамоани олинг — ҳар бирининг ўз кучли томони бор. Бу турнирда узоққа боришни истасангиз, энг кучлиларни ютишингиз керак. Акс ҳолда, бунга шунчаки лойиқ бўлмайсиз", — деди испан мутахассиси матбуот анжуманида.
Ўтган мавсумда "Манчестер Сити" айнан "Реал"га қарши баҳсда Европанинг энг нуфузли мусобақасини тарк этганди — жамоа плей-оффнинг стиков босқичидаёқ тўхтаб қолган. Жорий мавсумда эса улар умумий босқичда учрашиб, ўшанда ғалаба инглиз грандига насиб этган (2:1).
