Гути Пересни Жозе Моуриниони "Реал Мадрид"га қайтармасликка чақирди
"Реал Мадрид" клубининг афсонавий ярим ҳимоячиси Гути Эрнандес клуб президенти Флорентино Пересга Жозе Моуриниони жамоага қайтармасликни маслаҳат берди. Ҳозирда клуб раҳбарияти Алваро Арбелоанинг ўрнига муносиб номзод қидиришни бошлаган. Бу ҳақда Goal.com xabar беради.
Хабарларга кўра, португалиялик мутахассис Мадридга қайтишга катта қизиқиш билдирмоқда. Бироқ Гути Моуринионинг сўнгги йиллардаги натижалари ва мураббийлик услуби жамоанинг ҳозирги талабларига жавоб бермаслигини таъкидлади.
Гути Эрнандеснинг фикрича, "The Спеcиал Оне" лақаби билан танилган мураббий ўз фаолиятининг энг юқори чўққисидан ўтиб бўлган. Собиқ футболчи клуб раҳбариятини замонавийроқ ва истиқболли мураббийларга эътибор қаратишга чақирди.
Ҳозирда Жозе Моуринио Португалиянинг "Бенфика" клуби билан боғлиқ миш-мишлар марказида бўлиб турибди. Мадридликлар эса Арбелоанинг ўрнини босувчи мутахассис борасида якуний қарорга келишдан олдин барча вариантларни кўриб чиқмоқда.
