Ханси Флик учун унутилмас кун: Барселона билан чемпионлик ва оғир жудолик
Ханси Флик учун 10-май санаси ҳаётидаги энг ҳиссиётларга бой ва оғир кунлардан бири бўлиб қолди. Германия терма жамоасининг собиқ устози ўз отасининг вафот этгани ҳақидаги хабарни эшитганига қарамай, Реал Мадридга қарши ўйинда жамоасини майдонга бошлаб тушди ва чемпионликни тантана қилди. Бу ҳақда Goal.com хабар беради.
"Бу жуда оғир кун бўлди. Мен уни ҳеч қачон унутмайман", - деди Флик стадиондаги байрамона муҳитда. Унинг сўзларига кўра, Барселона клуби у учун шунчаки иш жойи эмас, балки ҳақиқий оилага айланган. Ўйин якунида Ламине Ямал ва бошқа футболчилар мураббийни кўкларга кўтариб, унга бўлган ҳурматларини ижор этишди.
Жамоа етакчилари Рафинья, Педри ва Пау Кубарси бу ғалабани айнан Флик ва унинг оиласига бағишлашганини таъкидлашди. Футболчиларнинг мураббийга кўрсатган меҳр-оқибати ва қўллаб-қувватлаши немис мутахассисини чуқур таъсирлантирди. У ўз фаолиятида илк бор Камп Ноу стадионида мухлисларнинг бундай самимий муҳаббатини ҳис қилганини тан олди.
Ҳозирда Флик Барселона билан янги шартнома имзолаш арафасида турибди ва келаси мавсумда Чемпионлар лигаси бош совринини қўлга киритишни мақсад қилган. Испания матбуоти, хусусан, Марка ва Эл Мундо Депортиво нашрлари Фликнинг клуб фалсафасига тўлиқ мослашганини ва Барселонада янги даврни бошлаб берганини эътироф этишмоқда.
