Роберто Де Зерби Дежан Кулусевскининг ЖЧдаги имкониятларини баҳолади

Тоттенхем бош мураббийи Роберто Де Зерби Дежан Кулусевскининг яқинлашиб келаётган Жаҳон чемпионатида Швеция терма жамоаси сафида майдонга тушиш имкониятларига шубҳа билан қарамоқда. Вингер тиззасидаги жиддий жароҳат сабабли узоқ вақт майдондан четда қолди ва мураббий футболчининг турнирга қадар тикланиб олиши қийин бўлишини таъкидлади. Бу ҳақда Goal.com хабар беради.

Кулусевски 2025-йилнинг май ойидан бери тизза жароҳати туфайли ўйинларда иштирок этмаяпти. Де Зерби футболчининг ҳолати ҳақида гапирар экан, мавсум давомида бирорта ҳам ўйин ўтказмаган ўйинчи учун мундиалда қатнашиш мураккаб вазифа эканлигини қайд этди. Шунга қарамай, швециялик футболчи ўз имкониятларига ишонмоқда ва миллий терма жамоа сафида майдонга тушиш учун бор кучини сарфламоқда.

Шунингдек, италиялик мутахассис Ричарлисоннинг жисмоний ҳолати ҳақида ҳам тўхталиб ўтди. Бразилиялик ҳужумчи Астон Виллага қарши ўйиндан сўнг машғулотларда қатнашмади, бироқ Де Зерби бу жароҳат эмас, балки юкламаларни бошқариш билан боғлиқ эканлигини тушунтирди. Мураббий футболчини ўйин охиригача майдонда қолдириб, хато қилганини тан олди.