Тунис ЖЧ-2026 учун кенгайтирилган таркибини эълон қилди

Тунис футбол федерацияси 2026 йилда АҚШ, Канада ва Мексикада бўлиб ўтадиган жаҳон чемпионати учун миллий терма жамоа якуний таркибини расман эълон қилди. Жамоа турли Европа ва маҳаллий клубларда ўйнайдиган футболчилардан шакллантирилган.

Дарвозабонлар сифатида Аймен Дамен (“Сфаксен”), Сабри Бен Ҳассан (“Этуал дю Саҳел”) ва Абделмуҳиб Шамах (“Клуб Африкен”) қайд этилган.

Ҳимоя чизиғида Ян Валери (“Янг Бойз”), Мутаз Неффати (“Норрчёпинг”), Дилан Бронн (“Серветт”), Раед Чихауи (“Монастир”), Монтассар Талби (“Лорьян”), Адем Арус (“Қосимпаша”), Омар Рекик (“Марибор”), Али Абди (“Ницца”) ҳамда Муҳаммад Амин Ҳамида (“Эсперанс”) ўрин олган.

Яримҳимоячилар орасида Эллиес Скири (“Айнтрахт”), Анис Бен Слимане (“Норвич Сити”), Рани Ҳедира (“Унион Берлин”), Мортада Бен Уаннес (“Қосимпаша”), Исмаэл Гарби (“Аугсбург”), Ҳаж Маҳмуд (“Лугано”) ва Ганнибал Межбри (“Бёрнли”) жамоа мувозанатини таъминлайди.

Ҳужум чизиғида эса Элиас Саад (“Ганновер”), Ҳалил Аяри (“ПСЖ”), Элиас Ашури (“Копенгаген”), Себастян Тунекти (“Селтик”), Ҳазем Мастури (“Динамо Махачкала”), Фирас Шауат (“Клуб Африкен”) ва Райан Эллуми (“Ванкувер Уайткэпс”) қайд этилган.

Эслатиб ўтамиз, ЖЧ-2026да Тунис терма жамоаси “F” гуруҳида Нидерландия, Япония ва Швецияга қарши баҳс олиб боради.