Уэйн Руни Челси трансферларини кескин танқид қилди
Манчестер Юнайтед афсонаси Уэйн Руни Челси клубининг сўнгги трансфер сиёсатини кескин танқид остига олди. У айниқса, Алежандро Гарначо ва Жейми Гиттенснинг жамоага жалб этилишини "жуда ғалати" деб атади. Бу ҳақда Goal.com хабар беради.
Руни Нони Мадуекенинг Арсеналга сотиб юборилишини тушунарсиз қарор деб ҳисоблайди. Унинг фикрича, Челси таркибни мувозанатлаш ва тажрибали футболчиларни жалб этиш ўрнига, самарасиз трансферларга катта маблағ сарфлаган.
Статистикага кўра, Нони Мадуеке Арсенал сафида ажойиб ўйин кўрсатаётган бўлса, Жейми Гиттенс ва Алежандро Гарначо Челси таркибида кутилган натижани бера олмаяпти. Гарначо атиги битта гол билан чекланган бўлса, Гиттенс ҳам ўзини кўрсатишда қийналмоқда.
Уэйн Руни жамоада ортиқча футболчиларни сотиб юбориш ва ёшларга ёрдам берадиган тажрибали ўйинчиларни таркибга қўшиш кераклигини таъкидлади. Шунингдек, у янги бош мураббий Хаби Алонсо қўл остида клуб келажагига нисбатан ижобий умидлар билдирган.
