Майкл Жексон: Каи Ҳавертз қизил карточкага лойиқ эди
Бёрнли вақтинчалик бош мураббийи Майкл Жексон душанба куни Арсеналга қарши кечган баҳсда Каи Ҳавертзга қизил карточка кўрсатилмаганидан норозилигини билдирди. Учрашув 1:0 ҳисобидаги меҳмонлар ғалабаси билан якунланган бўлса-да, иккинчи бўлимда германиялик ҳужумчининг Леслей Угочуквуга нисбатан ишлатган қўпол ҳаракати катта баҳсларга сабаб бўлди. Бу ҳақда Goal.com хабар беради.
Майкл Жексоннинг фикрича, ҳакамлар VAR тизими орқали вазиятни қайта кўриб чиқишлари ва Ҳавертзни майдондан четлатишлари керак эди. "Бу жуда хавфли ҳаракат эди, у ердан оёқларини узиб сакради. Агар ўша вазиятда қизил карточка берилганида, ўйиннинг бориши бутунлай ўзгариши мумкин эди", - деди мураббий.
Арсенал ушбу ғалабадан сўнг Англия Премер-лигаси чемпионлигига янада яқинлашди. Жамоа 37 та ўйиндан сўнг 82 очко билан турнир жадвалида пешқадамлик қилмоқда ва Манчестер Сити билан фарқни сақлаб қолмоқда.
Лондонликлар энди 24-май куни Кристал Пеласга қарши ўйинда ғалаба қозонса, муддатидан аввал чемпионликни расмийлаштиради. Шундан сўнг, Микел Артета шогирдлари Чемпионлар лигаси финалида PSJга қарши майдонга тушишади.
