Саида Мирзиёева футболчиларга омад тилади
Куни кеча Шоукат Мирзиёев Ўзбекистон миллий терма жамоасини Жаҳон чемпионатига кузатиш маросимида иштирок этди. Президент администрацияси раҳбари Саида Мирзиёева ҳам фарзанди билан мазкур тадбирда қатнашганини маълум қилди.
Саида Мирзиёева ўғлининг қўлида футболчилар дастхати туширилган тўп борлигини айтиб, уни энди бебаҳо хазинадек асрашини таъкидлади. Шу билан бирга, у миллий терма жамоа аъзоларига илиқ тилакларини билдирди.
“Йигитлар, сиз аллақачон улкан маррани забт этдингиз — халқимиз қалбида орзу ва ишонч уйғотдингиз. Энди эса ўзбек футболи нималарга қодир эканини бутун дунёга кўрсатиб қўйинг.
Майдонга дадил тушинг, юрагингизни бериб ўйнаг. Бугун кўча чангитиб тўп тепаётган, бир кун келиб миллий терма жамоа либосини кийишни орзу қилаётган ҳар бир болакай учун ўйнанг.
Биз сизга ишонамиз. Бутун мамлакат сизга ишонади. Президентимиз сизга ишонади”
— деб ёзди Саида Мирзиёева футболчиларга омад тилаб.
