ЛаЛига. "Барселона" Мессининг хет-триги эвазига ғалабани илиб кетди (видео)

Испания чемпионатининг 25-туридан ўрин олган “Севилья” – “Барселона” учрашуви ўз ниҳоясига етди. Унда 2:4 ҳисоби қайд этилиб, каталонияликларнинг ғалабаси билан якунланди.
Дастлаб ўйиннинг 22-дақиқасида Хесус Навас ҳисобни очганди. Орадан 4 дақиқа ўтиб, Месси мувозанатни тиклади. 42-дақиқага келиб Меркадо яна “Севилья“ни олға бошлади 2:1.
Шундай бўлсада, тиниб-тинчимас Лео иккинчи бўлимда аввалига ҳисобни тенглаштирди, кейин эса хет-трик қайд этган ҳолда, ҳисобни 2:3 кўринишга олиб келди.
Бу ҳам камлик қилгандек, Луис Суарес Вацликни тўртинчи бор ранжитиб, якуний 2:4 натижасини таблода акс эттирди.

Севилья – Барселона 2:4 (2:1, 0:3)
«Рамон Санчес Писхуан»
Голлар: 1:0 – 22 Навас, 1:1 – 26 Месси, 2:1 – 42 Меркадо, 2:2 – 67 Месси, 2:3 – 85 Месси, 2:4 – 90 Суарес.
Севилья – Вацлик, Меркадо (Васкес, 51), Гомес, Кьер, Вебер (Амаду, 58), Банега, Навас, Рог (Меса, 62), Сарабия, Промес, Бен-Йеддер.
Барселона – тер Стеген, Пике, Умтити, Нелсон Семеду (Серджи Роберто, 46), Альба, Видаль (Дембеле, 46), Ракитич, Бускетс, Коутиньо (Аленья, 79), Месси, Суарес.
Огоҳлантиришлар: Пике (38), Рог (49), Вебер (57), Васкес (70), Кьер (80), Сарабия (83), Меса (90).