38 ёшли ҳужумчи Ариц Адурис "Барселона" билан ўйиндан сўнг нималар деди?

\"Атлетик\" ҳужумчиси Ла Лига 1-тур доирасидаги \"Барселона\" устидан қозонилган ғалабадан сўнг мухлисларга миннатдорчилик билдирди.
Майдонда атиги 6 дақиқа ҳаракат қилган 38 ёшли форварднинг қайчи услубидаги зарбаси \"Атлетик\"га 3 очкони тақдим этди.

- Жамоа ажойиб ўйнади. Мавсумни \"Барселона\"га қарши ўйинда уч очкони қўлга киритиш билан бошлаб олдик. Менимча, бундан яхшиси бўлмайди. Жамоага ёрдам берганимдан мамнунман. Мен доим \"Атлетик\" учун ёрдамга тайёрман, - дейди Адурис.

Эслатиб ўтамиз, ушбу мавсум \"Атлетик\" афсонаси учун сўнггиси бўлиб қолади.