"Женоа" мавсум якуни бўйича қанча миқдорда мукофот жамғармасига эга бўлди?

\"Женоа\" клуби Италия А Сериясининг жорий мавсумини 11-поғонада якунлади. Сўнгги беллашувларда генуяликлар таркибида ҳаракат қилаётган Элдор Шомуродов ҳам ўзининг голеадорлик хусусиятларини яна бир карра намойиш этди.

\"Женоа\" турнирни ушбу ўринда якунлагани учун А Серия ташкилотчилари \"гриффонлар\" 5,5 млн евро миқдорида мукофот пули тўлаб беради.

Чемпион \"Интер\"га лига томонидан 23,4 млн евро тақдим этилса, сўнгги ўринда мавсумни якунлаган \"Парма\" 900 минг евро билан Б Серияга равона бўлади.

Аввалроқ, Элдор ушбу голлари орқали собиқ клуби \"Ростов\"га 500 минг евро ҳам ишлаб берганди.