Xiaomi Хитой автомобил бозорида кучли бешликка кирди
Хитой енгил автомобиллар ассоциацияси (КПКА) маълумотларига кўра, Xiaomi компанияси автомобилсозлик соҳасида ўз ўрнини мустаҳкамламоқда. 2026-йилнинг апрель ойида бренд Хитойдаги электромобиллар ишлаб чиқарувчи энг йирик бешта компания қаторидан жой олди. Бу ҳақда Ixbt.com хабар беради.
Компания ўтган ойда 36 702 дона автомобил сотишга муваффақ бўлди. Бу кўрсаткич аввалроқ режалаштирилган 30 000 доналик маррадан сезиларли даражада юқори бўлиб, Xiaomi'нинг бозордаги ўсиш суръатлари қанчалик тез эканлигини кўрсатади.
Ҳозирги вақтда бозор етакчиси BYD бўлиб, у бир ой ичида 182 025 та автомобил сотган. Рейтингнинг кейинги ўринларини Geely (95 585), Changan (64 471) ва Леапмотор (57 162) компаниялари банд этган.
Xiaomi бешинчи ўринни эгаллаб, Chery, Li Auto ва Nio каби бозорнинг эски ва тажрибали ўйинчиларини ортда қолдиришга эришди. Бу натижа технология гигантининг автомобил саноатидаги муваффақиятли стратегиясидан далолат беради.
