Samsung смартфонлар учун махсус голографик дисплей технологиясини ишлаб чиқмоқда
Samsung компанияси ҳозирда МҲ1 ёки Ҳ1 кодли номи остида голографик тасвирлаш тизими устида махфий тадқиқотлар олиб бормоқда. Ушбу технология келажакдаги "фазовий iPhone" қурилмаларини яратишга қаратилган бўлиб, Apple компанияси ушбу инновациянинг асосий буюртмачиси бўлиши мумкинлиги айтилмоқда. Бу ҳақда Ixbt.com хабар беради.
Сизиб чиққан маълумотларга кўра, янги дисплей наноструктурали голографик қатлам, нигоҳни кузатиш тизими ва нурларни бошқариш технологиялари уйғунлигидан фойдаланади. Бу фойдаланувчиларга махсус кўзойнакларсиз 3D-эффектни кўриш имконини беради. Фойдаланувчилар смартфонни бироз қия қилиб, объектларни турли бурчаклардан худди ҳақиқий ҳаётдагидек кузатишлари мумкин бўлади.
Муҳим жиҳати шундаки, тизим одатий 2Д режимида ишлаганда тасвир сифатини тўлиқ сақлаб қолади. Аввалги 3D дисплейлардан фарқли ўлароқ, бу ечим тасвир равшанлигига салбий таъсир кўрсатмайди. Samsung ўзининг 3D Плате технологиясини МҲ1 дисплейлари орқали мобил қурилмаларга мослаштирмоқда.
Келажакда ушбу технология смартфон экранлари устида сузиб юрувчи сунъий интеллектга асосланган фазовий аватарларни намойиш этиш имконини беради. Пҳоне Футурист инсайдерининг таъкидлашича, мазкур инновация 2027-йилда тақдим этилиши кутилаётган юбилей iPhone 20 моделларида қўлланилиши эҳтимоли юқори.
