Hisense ИМАХ технологиясига эга 100 дюймли Эхплоратион Х1 Pro телевизорини чиқарди
Hisense компанияси ҳақиқий кинематография тажрибасини уй шароитига кўчиришга мўлжалланган Эхплоратион Х1 Pro лазерли телевизорини тақдим этди. Қурилма 100 дюйм ва ундан юқори форматдаги тасвирларни яратишга қодир бўлиб, унда профессионал кинотеатр тизимларидан илҳомланган технологиялар қўлланилган. Бу ҳақда Ixbt.com хабар беради.
Эхплоратион Х1 Pro махсус СинеКоре ёруғлик модули билан жиҳозланган ҳамда ИМАХ проекторларида ишлатиладиган саноат даражасидаги уч рангли лазер ва ДЛП МКЛ39 рақамли проекциялаш архитектурасидан фойдаланади. Ишлаб чиқарувчининг таъкидлашича, ранг қамрови BT.2020 майдонининг 110 фоизини ташкил этади, ранг узатиш аниқлиги эса дельта Э = 0,6 га тенг. Бу кўрсаткич оддий уй мониторларидан сезиларли даражада юқоридир.
Янги авлод экрани наноспектрал селектив фильтрлаш технологияси билан жиҳозланган бўлиб, у фақат томоша учун зарур бўлган ёруғликни йўналтирилган тарзда акс эттиради. Бу эса атрофдаги тарқоқ ёруғлик халақитларини самарали равишда бартараф этиш имконини беради.
Қурилма бир нечта томоша режимлари ва Ҳарман Кардон сабвуферига эга илғор аудио тизими билан таъминланган. Овоз тизими 33 Hz гача бўлган паст частотали басларни қўллаб-қувватлайди. Hisense Эхплоратион Х1 Pro девордан бор-йўғи 34 см масофада туриб 100 дюймли тасвирни шакллантира олади.
Экран қалинлиги атиги 3 см бўлиб, уни деворга осиб қўйиш ёки йиғиб олиш жуда осон. Мазкур технологик янгиликнинг Хитойдаги бошланғич нархи 4100 доллар этиб белгиланган.
