Samsung Galaxy S27 Pro: Привакй Дисплай ва ихчам корпусдаги Ultra камера

Samsung ўзининг флагман қурилмалар қаторини тубдан ўзгартиришни режалаштирмоқда. Кореянинг ЭТНевс нашри хабарига кўра, 2027-йил бошида тақдим этилиши кутилаётган Galaxy S27 сериясида мутлақо янги модел — Galaxy S27 Pro пайдо бўлади. Ушбу модел Ultra версиясининг деярли барча техник имкониятларини ўзида жамлаган ҳолда, анча ихчам корпусда тақдим этилиши кутилмоқда. Бу ҳақда Ixbt.com хабар беради.

Янги стратегияга кўра, Samsung флагманлар оиласи тўртта моделдан иборат бўлади: Galaxy S27, Galaxy S27+, Galaxy S27 Pro ва Galaxy S27 Ultra. Pro версияси 6,47 дюймли ОЛEД-дисплей билан жиҳозланади. Бу уни базавий моделдан бироз каттароқ, аммо Ultra моделидан сезиларли даражада ихчамроқ қилади.

Galaxy S27 Pro моделининг асосий ўзига хосликларидан бири бу Привакй Дисплай функциясидир. Ҳозирча ушбу технология фақат Galaxy S26 Ultra моделида қўлланилиши кутилмоқда. Шунингдек, янги смартфон 200, 50 ва 50 мегапикселли датчиклардан иборат кучли камера тизимига эга бўлади. Худди шундай камера мажмуаси Galaxy S27 Ultra моделига ҳам ўрнатилиши тахмин қилинмоқда.

Экспертларнинг фикрича, Pro моделининг чиқарилиши Samsung компаниясининг экспериментал Edge сериясига бўлган паст талабга жавоби бўлиши мумкин. Компания С Пен стилусисиз, лекин энг юқори техник кўрсаткичларга эга бўлган «ихчам Ultra»ни яратиш орқали кичикроқ ўлчамдаги флагманларни хуш кўрувчи фойдаланувчилар эътиборини тортмоқчи.