Сунъий интеллектга асосланган қидирув стартаплари бозорга шиддат билан кирмоқда
Кеча Google ўзининг анъанавий қидирув тизимини сунъий интеллектга асосланган янги тажриба фойдасига ўзгартириш режасини эълон қилди. Бироқ, қидирув тизимларининг кейинги авлодини яратиш устида фақатгина Google ишлаётгани йўқ. Bloomberg хабарига кўра, Andreessen Horowitz томонидан қўллаб-қувватланаётган Эха Лабс стартапи 2,5 миллиард доллар баҳоланган ҳолда 250 миллион доллар инвестиция жалб қилди. Бу ҳақда Techcrunch.com хабар беради.
Эха Лабс қидирув саноатини тубдан ўзгартиришга интилаётган Тавилй, ТинйФиш ва Параллел Веб Сйстеms каби стартаплар тўлқинининг бир қисмидир. Twitter собиқ бош директори Параг Агравал бошчилигидаги Параллел компанияси яқинда Сеқуоиа Капитал бошчилигидаги инвестиция раундида 100 миллион доллар маблағ тўплади ва унинг қиймати 2 миллиард долларга етди.
Шу билан бирга, Amazon, LinkedIn ва Reddit каби йирик платформалар ҳам ўз қидирув ва маълумот топиш функцияларини янгилаш учун сунъий интеллектга мурожаат қилмоқда. Бу эса келажакда истиқболли стартапларни сотиб олишга тайёр бўлган йирик харидорлар кўплигидан далолат беради.
Ҳозирги вақтда ушбу соҳадаги энг йирик рақобатчи ChatGPT бўлиб қолмоқда. Google ўзининг янги функцияларини ишга туширгунга қадар, сунъий интеллект орқали амалга ошириладиган қидирувларнинг асосий қисми айнан OpenAI платформаси ҳиссасига тўғри келаётган эди.
OpenAI учун қидирув тизими ягона устувор йўналиш эмас, Google эса ўзининг реклама бизнесини ҳимоя қилиши керак. Бундай вазият Эха ёки Параллел каби кичикроқ лабораториялар учун бозорда ўз ўрнини топиш ва янги йўналишларни шакллантириш учун қулай имконият яратади.
