Samsung Galaxy смартфонларининг 19 та модели учун One UI 8.5 глобал талқини чиқди
Samsung компанияси Android 16 операцион тизимига асосланган One UI 8.5 қобиғини тарқатиш кўламини фаол равишда кенгайтирмоқда. Жанубий Кореяда янги дастурий таъминот тақдим этилганидан сўнг, компания янгиланишлар географиясини ўзининг ички бозоридан ташқарига олиб чиқди. Бу ҳақда Ixbt.com хабар беради.
Ҳозирги вақтда One UI 8.5 интерфейсининг глобал талқини 19 та смартфон модели учун фойдаланишга топширилди. Гизмочина ресурси ушбу қурилмаларнинг тўлиқ рўйхатини эълон қилди. Мазкур рўйхатдан Samsung Galaxy туркумидаги энг сўнгги флагманлар ва оммабоп моделлар ўрин олган.
Аслини олганда, бу ҳали янгиланишнинг биринчи босқичи ҳисобланади, чунки One UI 8.5 глобал финал талқинини тарқатиш жараёни расман 11-май куни бошланди. Келгуси ҳафталарда ушбу янгиланишни қабул қилувчи қурилмалар қамрови янада кенгайиши кутилмоқда.
Шунингдек, аввалроқ Samsung компанияси ҳали расман тақдим этилмаган Samsung Galaxy S26 ФE моделида One UI 9 интерфейсини синовдан ўтказаётгани ҳақида хабарлар тарқалган эди. Бу эса компаниянинг дастурий таъминотни ривожлантириш борасидаги жадал режаларидан далолат беради.
