1003 от кучи ва 300 км/соат: Xiaomi Ю7 Стандард ва GT тақдим этилди
Xiaomi компанияси ўзининг электр кроссоверлар оиласига мансуб икки янги модел — Xiaomi Ю7 Стандард ва Xiaomi Ю7 GT автомобилларини расман намойиш этди. Компания вакилларининг сўзларига кўра, ушбу моделлар юқори унумдорликка эга ҳашаматли электр кроссоверлар линиясининг ҳар томонлама янгиланган талқинидир. Бу ҳақда Ixbt.com хабар беради.
Xiaomi Ю7 GT модели треклар учун мўлжалланган бўлиб, у 1003 от кучига эга икки моторли тизим билан жиҳозланган. Автомобил 0 дан 100 км/соат тезликка бор-йўғи 2,92 сонияда эришади, максимал тезлиги эса 300 км/соатни ташкил этади. Кроссовер 101,7 кВ·соат қувватли учламчи литий-ионли аккумулятор билан таъминланган бўлиб, КЛТК стандарти бўйича 705 км масофани босиб ўта олади.
Бошланғич Xiaomi Ю7 Стандард версияси 5,9 сонияда 100 км/соат тезликка чиқади ва максимал 220 км/соат тезликда ҳаракатланади. Унинг 73 кВ·соатли литий-темир-фосфатли аккумулятори 643 км масофани кафолатлайди. Шунингдек, 15 дақиқалик тезкор қувватлаш орқали юриш масофасини 385 км га узайтириш имконияти мавжуд.
Янги серия 16,1 дюймли марказий панел ва янгиланган ХиаоАи AI овозли ёрдамчиси билан жиҳозланган. Барча моделлар NVIDIA ДРИВE АГХ Тҳор ҳисоблаш платформасига асосланган илғор ҳайдовчига кўмаклашиш тизими (АДАС) ҳамда кўчадаги овозли парковка функциясини ўз ичига олади.
Нархлар масаласига келсак, Xiaomi Ю7 Стандард модели 233 500 юандан (тахминан 34 330 доллар), кучайтирилган Xiaomi Ю7 GT эса 389 900 юандан (тахминан 57 326 доллар) бошланадиган нархларда сотувга чиқарилади.
