Ucell байрам кунларида баъзи хизматлар фаолиятини вақтинчалик тўхтатади

Ucell мобил алоқа оператори Янги йилдаги байрам кунларида, қўнғироқлар сифатини яхшилаш ва SMS-хабарларни ўз вақтида еткизиш мақсадида, баъзи хизматлар вақтинчалик тўхтатишини маълум қилди. Бу ҳақида компания сайтига асосланиб, “daryo.uz” нашри хабар бермоқда.

2014 йил 31 декабрь соат 12:00 дан 2015 йил 2 январь соат 17:00 гача қуйидаги хизматлардан фойдаланиб бўлмайди:

• «SMS-Жадвал»;
  
• «SMS ни бошқа рақамга йўналтириш»;
  
• «SMS-Автожавоб»;
  
• «SMS Филтр-Қора рўйхат»;
  
• «SMS-Тахаллус»;
  
• «Дўстим ҳисобидан SMS».
  

2014 йил 31 декабрь соат 22:00 дан 2015 йил 1 январь соат 04:00 гача қуйидаги хизматлардан фойдаланиб бўлмайди:

• «Ким қўнғироқ қилди?»;
  
• «Мен алоқадаман»;
  
• «Овоз почтаси»;
  
• «Менга қўнғироқ қил»;
  
• «Мен кимман?».
  

2014 йил 31 декабрь соат 22:00 дан 2015 йил 1 январь соат 04:00 гача қуйидаги хизматлардан фойдаланиб бўлмайди:

• Ҳисобни *100# – *109# орқали текшириш;
  
• Тизим хабарлари (ҳисоб тўлдириш ва хоказо).
  

2014 йил 31 декабрь соат 22:00 дан 2015 йил 1 январь соат 04:00 гача Компаниянинг қўшимча хизматларига уланиш учун USSD-сўровлардан фойдаланиб бўлмайди.

Ucell ўз мижозларидан керакли ҳолларда қўшимча хизматларни олдиндан улашни сўраган. «SMS Жадвал» хизмати доирасидаги олдиндан мўлжаллаб қўйилган SMS-хабарлар ўз вақтида юборилиши қайд этилган.

Компания келтирилган ноқулайликлар учун абонентлардан узр сўраган.