Italiya bosh vaziri Rossiyaning «doimiy muvaffaqiyatlari»ga qaramay, Ukrainaga yordamni to‘xtatmaydi

^{Foto: Facebook}
Italiya bosh vaziri Mario Dragi Rossiya Federatsiyasining Ukrainadagi «maxsus operatsiya» doirasidagi harbiy muvaffaqiyatlariga qaramay, uning mamlakati Kiyevni qo‘llab-quvvatlashda davom etishga tayyorligini aytdi.

«Muvaffaqiyatlarning davom etishidan xavotir bor», — deya uning so‘zlaridan iqtibos keltiradi Sole 24 gazetasi. «Biroq bu biz Kiyevni qo‘llab-quvvatlashimizni to‘xtatamiz, degani emas», — deya qo‘shimcha qilgan Dragi.