Avstraliyalik shifokorlar bemorning so’nggi iltimosini amalga oshirish uchun uni dengiz qirg’og’iga olib borishdi

Avstraliyaning Xarvi Bey shahri shifokorlari o’lim bilan yuzlashish arafasidagi bemor ayolni so’nggi iltimosiga ko’ra dengiz yoniga olib borishdi.

Xabarda keltirilishicha, ayol ularga qazosi oldidan yana bir bor dengiz qirg’og’iga bormoqchi ekanligini haqida aytgan. Shifokorlar esa uni plyajga olib borishgan va dengizni ko’rsatishgan.

“Ko’z yoshlar to’kildi, bemor esa baxtli edi. Ba’zan barchasi dorilar yoki mahoratga bog’liq bo’lmaydi. Ayrim hollarda yordam berish uchun hamdardlikning o’zi yetarlidir” deydi Kvislend tez tibbiy yordam xizmati.