Toshkentda bir haftada 7 ta fohishaxona aniqlanib, 19 fohisha qo‘lga olindi

O‘tgan bir hafta davomida 30 dan ortiq jinoyat fosh etilgani va qidiruvda bo‘lgan 45 nafar shaxs ushlangani ma’lum bo‘ldi. Bu haqda Toshkent shahar Ichki ishlar bosh boshqarmasiga asoslanib, «Darakchi.uz» xabar bermoqda.

Xabarda yozilishicha, fohishaxona saqlash va qo‘shmachilik qilish, fohishalik bilan shug‘ullanish, jamoat joylarida spirtlik ichimliklar iste’mol qilinishini oldini olish maqsadida, o‘tkazilgan profilaktik tadbirlar davomida 7 ta fohishaxona saqlash va qo‘shmachilik qilish jinoyatlari aniqlangan va ushbu jarayonda fohishalik bilan shug‘ullanib kelayotgan 19 nafar shaxs qo‘lga olingan.

Ularga nisbatan Jinoyat kodeksining 131-moddasi tartibida jinoyat ishlari qo‘zg‘atilgan.