Metroda ayolga nisbatan tegajog‘lik qilgan erkak 5 sutkaga qamaldi

6 mart kuni “Paxtakor” va “Novza” bekatlari oralig‘idagi metro yo‘nalishida 27 yoshli namanganlik erkak vagonda ayolga bir necha marotaba tegib, uni asabiylashtirgan.

Sud jarayonida u aybini qisman tan olib, bu harakatini vagondagi yo‘lovchilar ko‘pligi bilan asoslab, qilayotgan ishidan pushaymon ekanini ma’lum qilgan.

Chilonzor tuman jinoyat ishlari sudi ushbu shaxsni aybdor deb topib, unga 5 sutka ma’muriy qamoq jazosini tayinladi.

Mazkur voqea metrodagi xavfsizlik va jamoat tartibiga e’tibor qaratilgan holda ahamiyatli saboq sifatida baholanmoqda.