Shavkat Mirziyoyev jon fido qilgan yurtdoshlar xotirasiga hurmat bajo keltirdi (foto)

^{Foto: Prezident matbuot xizmati}
Shavkat Mirziyoyev 9 may kuni poytaxtdagi Xotira maydoniga tashrif buyurdi. Bu haqda Prezident matbuot xizmati ma’lum qildi.

Davlat rahbari Motamsaro ona haykali poyiga gulchambar qo‘yib, tinchlik uchun, avlodlar kelajagi uchun jon fido qilgan yurtdoshlar xotirasiga hurmat bajo keltirdi.

^{Foto: Prezident matbuot xizmati}
Ushbu sana munosabati bilan turli vazirlik va idoralar, jamoat tashkilotlari vakillari ham Motamsaro ona haykali poyiga gullar qo‘ydi.

^{Foto: Prezident matbuot xizmati}
Xotira va Qadrlash kuniga bag‘ishlangan bayram tadbiri Toshkent botanika bog‘ida bo‘lib o‘tadi.

^{Foto: Prezident matbuot xizmati}