Andijon shahridagi uylardan birida katta yong‘in chiqdi (video)

Bugun, 15 iyun kuni soat 10larda Andijon shahri «Yoyilma» MFY hududida joylashgan 4 qavatli 1-uyda yong‘in hodisasi ro‘y bergan.

Olov asosan uyning tom qismida bo‘lgan. Ijtimoiy tarmoqda tarqalgan videoda uylardan birining tepasida quyuq tutun ko‘kka o‘rlayotganini ko‘rish mumkin.

Yong‘in xavfsizligi xodimlari bergan xabarga ko‘ra, ayni paytda yong‘in bartaraf etildi.
Yong‘in sababi hozircha noma’lum. Jarohat olganlar va qurbonlar yo‘q.