Sergelidan uy olib berishni va’da qilib, 33 000 dollarga aldab ketgan shaxsga nisbatan jinoyat ishi qo‘zg‘atildi

Poytaxtning Sergeli tumanida yashovchi S.B. buxorolik G‘.J.ning ishonchiga kirib, o‘zi yashayotgan tumandan uy olib berishni va’da qilgan.
Postda.uz\'ning xabar berishicha, S.B. G‘.J.dan 33 ming AQSh dollarini olgan. So‘ng, S.B. va’da qilingan uyni sotib oladi, faqat G‘.J.ning nomiga emas, o‘z nomiga rasmiylashtirgan.

Shuningdek, u keyinchalik uyni boshqa birovga sotib, pullarni o‘z ehtiyoji uchun sarflab yubordi.
Ayni paytda mazkur holat yuzasidan jinoyat ishi qo‘zg‘atilgan. Tergov harakatlari olib borilmoqda.