«Kapitalbank» boshqaruvi raisi muddatidan avval ishdan ketdi

^{Foto: \"Kapitalbank\"}
2019 yil iyun oyiidan beri «Kapitalbank»ni boshqarib kelgan Oleg Kim o‘z xohishi bilan iste’foga chiqdi, deb yozadi «Spot» nashri.

Qayd etilishicha, 2019 yil 30 dekabrda bank kengashining yig‘ilishi bo‘lib o‘tgan va unda boshqaruv raisi Oleg Kimning vakolatlarini 2020 yil 3 yanvardan muddatidan oldin bekor qilish masalasi ko‘rilgan.

Ta’kidlanishicha, Oleg Kim bankni ixtiyoriy ravishda tark etgan. Endi bankni 4 yanvardan boshlab shu vaqtga qadar boshqaruv raisining o‘rinbosari bo‘lib ishlayotgan Aleksey Glushchenko vaqtincha boshqarib turadi.