Yulduz Usmonova tashkillashtirgan xayriyada yig‘ilgan 527 million so‘m Sardoba falokati jabrdiydalariga tarqatildi

^{Foto: Instagram / @yulduzibragimovnausmonova}
O‘zbekiston xalq artisti Yulduz Usmonova uyi oldida tashkillashtirgan xayriya aksiyasida 527 million so‘mdan ko‘proq mablag‘ yig‘ilgan edi. Ushbu mablag‘ Sardoba falokati jabrdiydalariga 200 dollardan bo‘lib berildi.

Xonandaning Instagram’dagi sahifasiga uning turmush o‘rtog‘i Mansur Agaliyev va yordamchilari sardobaliklarga pulni tarqatayotgani aks etgan video joylashtirildi.

Odamlar o‘zlariga beg‘araz yordam bergan hamyurtlari hamda ushbu aksiyani tashkillashtirgan Yulduz Usmonovani duo qildi.