Shakira kasalligi sabab konsertlarini bekor qildi

Kolumbiyalik xonanda Shakira tovush paychalarining jarohatlanishidan aziyat chekkani holda bir nechta konsertini bekor qilishga majbur bo’ldi. Xabar berilishicha, shifokorlar ijodkorga ovozini ehtiyot qilishi kerakligi haqida uqtirishgan. Buning natijasida Shakiraning Parij, Kyoln, Antverpen va Amsterdamdagi kontsertlari qoldirilgan.

Xonanda ijtimoiy tarmoqlar orqali o’zini qo’llab-quvvatlayotgan muhlislariga tashakkur bildirgan va ayni paytda tovush paychalarini davolash bilan mashg’ul ekanligi haqida yozgan.