“The Beatles”ning qo‘shig‘iga 50 yildan keyin klip ishlandi

Britaniyalik “The Beatles” guruhining 50 yil oldin taqdim etilgan \"Glass Onion\" qo‘shig‘iga klip ishlandi. \"Glass Onion\" (“Shisha piyozbosh”) guruhning “White Album” to‘plamiga mansub.

Klipda musiqachilarning o‘sha davrdagi noyob video va fotosuratlaridan animatsion usulda foydalanilgan. Musiqiy rolik Pol Makkartni va pop-art san’ati yo‘nalishi asoschilaridan biri – rassom Richard Gamilton hamkorligida yaratildi.

9 noyabrda esa “White Album”ning maxsus yubiley plastinkasi chiqariladi.