"Lokomotiv"ga o‘tishi kutilgan futbolchi "Nasaf"da

Bir necha kun oldin \"Qizilqum\"ni tark etgan Islom Kenjaboyev \"Lokomotiv\"ga o‘tishi kutilgan va hatto navoiyliklar ustozi \"Qo‘qon-1912\" bilan o‘yindan keyingi matbuot anjumanida ham tasdiqlagani haqida xabar bergandik. Biroq futbolchining qarori o‘zgardi.

Endi Islom Kenjaboyev \"Nasaf\" vakiliga aylandi. Bu haqda klub matbuot xizmati xabar berdi. U \"ajdarlar\" bilan 2025 yilning oxirigacha mo‘ljallangan shartnomani imzoladi.

Eslatib o‘tamiz, Kenjaboyev 2017-2021 yillar qarshiliklar sharafini himoya qilgan.