«Arsenal» — «Bavariya» va «Real Madrid» — «Manchester Siti» uchrashuvida futbolchilar olgan ballar bilan tanishing

Kecha tunda Evropa chempionlar ligasining chorak finalidan o‘rin olgan ikkita uchrashuv bo‘lib o‘tdi. «Arsenal» «Bavariya»ga qarshi maydonga tushgan bo‘lsa, «Manchester Siti» «Real Madrid» mehmoni bo‘ldi. Har ikki uchrashuv shiddatli va gollarga boy tarzda o‘tdi.

Sofascore nashri kechagi har ikki uchrashuvda qatnashgan futbolchilar uchun o‘z baholarini berdi.

Nashrning baholashi bo‘yicha, Londonda bo‘lib o‘tgan uchrashuvda «Arsenal» futbolchisi Gabriel Jezus va «Bavariya» yarim himoyachisi Leon Goretska 7,7 ball olib, mazkur uchrashuvning eng yaxshilari bo‘lishdi.

Madridda kechgan uchrashuvda esa eng katta ballni Yoshko Gvardiol qo‘lga kiritdi. Xorvatiyalik futbolchi ushbu uchrashuvda 7,8 ballga loyiq ko‘rildi.