Tchuameni Xabi Alonsoning Real bosh murabbiyligidan ketishini izohladi

Madridning “Real” klubi yarim himoyachisi Orelien Tchuameni Xabi Alonsoning “qirollik klubi” bosh murabbiyi lavozimini tark etishi yuzasidan fikr bildirdi. Bu haqda euro-football.ru xabar beradi.

Fransuz futbolchi ijtimoiy tarmoqlardagi bayonotida Alonsoga hamkorlik uchun minnatdorlik bildirib, “dunyoning eng kuchli murabbiylaridan biri” qo‘l ostida ishlashdan mamnun bo‘lganini ta’kidladi. Shuningdek, u mutaxassisga keyingi faoliyatida omad tiladi.

Eslatib o‘tamiz, Xabi Alonso 12 yanvar kuni iste’foga chiqarildi. Bo‘sh qolgan bosh murabbiylik o‘rniga Alvaro Arbeloa tayinlandi.

Alonso boshchiligidagi so‘nggi uchrashuvda madridliklar kataloniyalik “Barselona”ga 2:3 hisobida imkoniyatni boy berdi.