Slutskiy boshqaruvidagi Shanxay Shenxua Osiyoda yana yutqazdi

Leonid Slutskiy murabbiyligidagi “Shanxay Shenxua” Osiyo Chempionlar ligasi umumiy bosqichining 6-turida safarda “Sanfrechche Xirosima”ga 0:1 hisobida imkoniyatni boy berdi va yana ochkosiz qoldi. Bu haqda euro-football.ru xabar beradi.

Uchrashuvdagi yagona gol 78-daqiqada kiritildi: yapon jamoasi himoyachisi Hayato Araki hal qiluvchi zarbani amalga oshirdi. Bu mag‘lubiyat Xitoy klubi uchun turnirdagi ketma-ket uchinchi yutqazish bo‘ldi.

Olti turdan so‘ng “Shanxay Shenxua” 4 ochko bilan turnir jadvalida 11-o‘rinni egallab turibdi. “Xirosima” esa 11 ochko jamg‘argan holda 3-pog‘onada bormoqda.