2018 yil oxirigacha O‘zbekistonda muqobil teleuzatish to‘xtatiladi

O‘zbekistonning barcha hududlarida er usti muqobil teleuzatish 2018 yilning dekabrigacha bosqichma-bosqich to‘xtatiladi. Bu Vazirlar Mahkamasining 17 iyuldagi «Raqamli teleuzatishga o‘tish va er usti muqobil teleuzatishni to‘xtatish chora-tadbirlari to‘g‘risida»gi 502-sonli qarori bilan belgilandi, deb yozmoqda Daryo nashri.

Qaror bilan O‘zbekiston Respublikasida er usti muqobil teleuzatishni bosqichma-bosqich to‘xtatish grafigi tasdiqlandi.

Unga muvofiq, umuman O‘zbekiston hududida 2018 yil 5 dekabrigacha, Toshkent shahrida esa 2018 yil 15 iyuliga qadar muqobil teleuzatish to‘xtatiladi.