Shvesiyaning Ucell’ga egalik qiluvchi TeliaSonera kompaniyasi MDHdan asta-sekinlik bilan ketishga qaror qildi

Shvesiyaning TeliaSonera kompaniyasi Evrosiyo mintaqasidagi faoliyatini asta-sekinlik bilan tugatadi hamda Evropa va Shvesiya bozoriga e’tiborini kuchaytiradi. Bu haqda telekommunikasiya kompaniyasi 17 sentyabr, payshanba kuni ma’lum qildi, deb xabar bermoqda «Daryo» nashri.

«Jarayon Evrosiyo mintaqasidagi ishtirokimizni qisqartirib, biroz vaqtdan so‘ng uni to‘liq tark etish maqsadida boshlandi», — deyiladi kompaniya bayonotida.

TeliaSonera Evrosiyo mintaqasiga sobiq Ittifoq mamlakatlari — Qozog‘iston, O‘zbekiston, Tojikiston, Ozarbayjon, Moldaviya, Gruziya, shuningdek, Nepalni kiritadi.