Dunyodagi birinchi blokcheyn-smartfon chiqarildi (foto)

Isroilning Sirin Labs kompaniyasi dunyodagi birinchi blokcheyn-smartfonni chiqardi. Gadjet Finney deb nomlandi. Yangi mahsulotning narxi 999 dollarni tashkil etdi.

Qurilmani rasmiy veb-saytdan xarid qilish mumkin, 2019 yil yanvaridan esa u Amazon’da sotuvda paydo bo‘ladi.

Finney kriptovalyutani uzoq muddatli saqlash va u bilan operatsiyalarni amalga oshirish uchun hamyon hamda muloqot uchun oddiy telefon sifatida ishlaydi. U egalari ma’lumotlari xavfsizligini ta’minlash uchun ma’lumotlarning tarqatma bazasidan foydalanadi.


Qurilma Android’ning o‘zgartirilgan versiyasi hisoblangan SirinOS operatsion tizimi asosida ishlaydi. Yangi tizim qurilma egalari ma’lumotlari xavfsizligi muammosini hal qiladi. Ishlab chiqarish bilan Tayvanning Foxconn firmasi shug‘ullanadi.