Yangi yilda O‘zbekistonning aksar hududlarida qor yog‘ishi mumkin

«O‘zgidromet» bosh direktori Sherzodxo‘ja Habibullayev 31 dekabrdan 1 yanvarga o‘tar kechasi aksar hududlarda qor yog‘ishi mumkinligini ma’lum qildi. Mutasaddi bu haqda Facebook\'dagi sahifasida xabar berdi.

Markaz mutaxassisi Erkin Abdulahatovning yozishicha, 30—31 dekabr hamda 1 yanvar kunlarida Toshkentda 4 iqlim model mahsulotlaridan ikkitasi yog‘ingarchilik (yomg‘ir-qor) bo‘lishini ko‘rsatgan.

25 dekabrdan so‘ng xizmat markazi tomonidan 31 dekabr uchun respublika bo‘ylab hududlar kesimida to‘liqroq formatda ob-havo prognozlari taqdim etiladi.