O‘zbekiston OTMlarida hujjat qabul qilish jarayoni boshlandi

20 iyundan O‘zbekiston Oliy ta’lim muassasalarida abiturientlardan 2016-2017 o‘quv yili uchun hujjat qabul qilish jarayoni boshlandi. Qabul komissiyasi 20 iyulga qadar faoliyat ko‘rasatadi.Bu haqda \"Uz24.uz\" sayti yozmoqda.

Komissiyalar 09:00 dan 18:00 gacha ishlaydi.

Abiturient oliy ta’lim muassasasi qabul komissiyasiga quyidagi hujjatlarni taqdim etadi:

- ta’lim yo‘nalishi, o‘qitish tili va shakli ko‘rsatilgan holdagi ariza;
- o‘rta yoki o‘rta maxsus ma’lumot haqidagi hujjatning asl nusxasi;
- 086/U-shakldagi tibbiy ma’lumotnoma;
- fuqarolik pasporti nusxasi;
- 3,5×4,5 sm o‘lchamdagi 6 dona fotosurat;
- xalqaro va respublika olimpiadalari, tanlovlar va musobaqa g‘oliblari o‘qishga tanlovsiz kirish huquqini beruvchi hujjatning asl nusxasi;
- muddatli harbiy xizmatni o‘tagan va harbiy qism tavsiyanomasiga ega bo‘lgan abiturientning tegishli tavsiyanomasi.