Qamchiq dovonida bo‘ron tufayli harakatlanish og‘irlashishidan ogohlantirildi
O‘zbekiston Respublikasi Favqulodda vaziyatlar vazirligi Qamchiq dovonida ob-havo sharoiti og‘irlashishidan ogohlantirdi. Vazirlik 19-21 noyabr kunlari hududda noqulay ob-havo sharoiti hukm surishi kutilayotgani haqida fuqarolarga SMS-bildirishnomalar yubormoqda.
«19—21 noyabr kunlari A-373 avtomobil yo‘lining Qamchiq dovonidan o‘tgan qismida qor yog‘ishi, vaqti-vaqti bilan qorning kuchayishi kutilmoqda. Ko‘rish darajasi 50—100 metrgacha yomonlashadi. Shamolning tezligi soniyasiga 20—25 metrni tashkil etadi», — deyiladi vazirlikning SMS-bildirishnomasida.
Qayd etilgan kunlarda Qamchiq dovonida havo harorati pasayib, muzlash ro‘y berishi mumkin.
Haydovchilardan ushbu hududda harakatlanishda ehtiyot bo‘lish so‘ralgan.
Mavzuga oid yangiliklar
Maʼlumot Mehmon guruhidagi foydalanuvchilar ushbu maqolaga izoh qoldira olmaydi.
