Yunusobod tumanidagi kafe yonib ketdi

2025-yil 24-may kuni soat 18:40 da Toshkent shahri Yunusobod tumanidagi Otchopar ko‘chasida joylashgan kafeda yong‘in sodir bo‘lgani haqida Toshkent shahar FVBga xabar berilgan, deb upl.uz xabar berdi.

Voqea joyiga 8 daqiqa ichida yong‘in-qutqaruv xizmatlari yetib borib, darhol olovni o‘chirish ishlariga kirishgan. Yong‘in soat 18:55 da to‘liq bartaraf etilgan.

Hodisa natijasida hech kim jarohat olmagan. Ayni vaqtda yong‘inning sabablari o‘rganilmoqda, shuningdek, moddiy zarar miqdori aniqlanmoqda.