Magistraturaga qo‘shimcha qabul: abituriyentlar uchun yangi imkoniyat

2025/2026-o‘quv yili uchun belgilangan asosiy kvotalardan tashqari, magistraturaga kirolmagan abituriyentlar uchun qo‘shimcha qabul jarayoni yo‘lga qo‘yiladi.

Oliy ta’lim, fan va innovatsiyalar vazirligi ma’lumotiga ko‘ra, qo‘shimcha qabul parametrlari tegishli vazirlik bilan kelishilgan holda tasdiqlanadi.

Shuningdek, qo‘shimcha qabulda o‘qishga kiruvchi talabalar uchun to‘lov-kontrakt miqdori oliygohlar tomonidan mustaqil ravishda belgilanadi. Bu summa har bir talabaga to‘g‘ri keladigan real xarajatlardan kelib chiqadi.

Qo‘shimcha qabul jarayoni abituriyentlarga yana bir imkoniyat berishi va magistraturada o‘qish istagida bo‘lganlar uchun keng yo‘l ochishi kutilmoqda.