Noqonuniy egallangan sport zonalari va bolalar maydonchasi tiklanmoqda

Prezident Shavkat Mirziyoyev raisligida o‘tkazilgan yig‘ilishda mahalla tizimi va infratuzilmasini yaxshilash masalalari muhokama qilindi.

Unda Bosh prokuraturaga boshqa maqsadlarda foydalanib yuborilgan yashil hududlar, sport maydonchalari va bolalar o‘yingohlarini tiklash bo‘yicha topshiriq berilgani eslatib o‘tildi.

So‘nggi to‘rt oy ichida:

• 20 gektar yashil hudud,

• 107 ta sport va bolalar maydonchasi joyiga qaytarilgani bildirildi.

Prezident ushbu jarayon barcha hududlarda to‘liq yakunlanmaguncha ish davom ettirilishini qat’iy topshirdi.