Xususiy bankning bir qismi davlatga o‘tdi

“Infinbank”ning 15 foiz ulushi “Tadbirkorlikni rivojlantirish kompaniyasi” tomonidan sotib olindi, deb Bankir manbasi xabar berdi. Endi ushbu kompaniya bank aksiyadorlari ro‘yxatida rasman qayd etilgan.

Avval bankning yagona yirik aksiyadori Farhod Mamajonov edi. Katta ehtimol bilan, u o‘z ulushining bir qismini davlat kompaniyasiga o‘tkazgan.

Ma’lumot uchun, “Tadbirkorlikni rivojlantirish kompaniyasi” Iqtisodiyot va moliya vazirligiga qarashli bo‘lib, 2025-yilda 421,1 mlrd so‘m sof foyda ko‘rsatgan. “Infinbank” esa 196,5 mlrd so‘m foyda olgan.