Toshkentda og‘ir shamollash holatlari ko‘paymoqda

Toshkent shahri aholisi orasida o‘tkir respirator virusli infeksiyalar (ORVI) bilan kasallanish holatlari keskin oshgani haqida xavotirlar tarqalmoqda. Bu haqda O‘zbekiston hududidagi mahsulot va xizmatlar iste’molchilari jamiyati \'Iste’molchi.Uz\' xabar bermoqda.

Foydalanuvchilar ushbu mavsumiy virus og‘ir kechishi bilan ajralib turishini ta’kidlashmoqda. Eng ko‘p uchrayotgan simptomlar orasida bir necha kun davom etadigan yuqori harorat, tomoqdagi kuchli og‘riq va toliqdiruvchi yo‘tal qayd etilmoqda.

\'Farzandlarini kasalxonaga yotqizishga uringanlar shifoxonalar to‘lganini aytishmoqda. Odamlar butun sinf bilan yoki qo‘shnilar bo‘lib kasallanmoqda.

Sizlarda ahvol qanday?\' — deyiladi xabarda.