O‘zgidromet shoshilinch ogohlantirish bilan chiqdi

O‘zgidromet 13-16 dekabr kunlari yog‘ingarchilik va havo haroratining keskin o‘zgarishi tufayli respublikaning tog‘li hududlarida qor ko‘chishi xavfi mavjud ekanligini e’lon qildi.

Shuningdek, Toshkent viloyatining Bo‘stonliq, Ohangaron, Parkent tumanlari (Chotqol tizmasining tog‘lari) va Namangan viloyatining Pop tumanida qor ko‘chishi xavfi e’lon qilingan.

Tog‘li hududlarda yashovchi fuqarolar, dam oluvchilar va tog‘li yo‘llarda harakatlanuvchi haydovchilardan ehtiyotkorlik choralarini ko‘rishlari so‘raldi.